રસમ - RASAM

રસમ :-

સામગ્રી :-
પાણી - 3 કપ
સમારેલ ટમેટા - 1/2 કપ
સમારેલ લીલા મરચા - 1/4 કપ
સમારેલ ડુંગળી - 1/4 કપ 
લીમડાના પાન - 10 થી 12 નંગ
સમારેલ કોથમીર - 1 કપ
આમલીનું પાણી - 1/4 કપ
મીઠું - સ્વાદાનુસાર
ધાણા પાઉડર - 2 ચમચી
જીરા પાઉડર - 1ચમચી
મરી - 1/2 ચમચી
જીરું - 1 ચમચી
લસણ - 6 થી 7 કળી
બાફેલ દાળનું પાણી - 1/2 કપ
રાઈ - 1/2 ચમચી
હળદર - 1/4 ચમચી
હિંગ - 1 ચપટી
ખાંડ - 2 ચમચી
સુકાલાલ મરચા - 2 થી 3 નંગ
તેલ - 2 ચમચા

રીત :-
          સૌ પ્રથમ એક વાસણમાં પાણી, સમારેલ ટમેટા,સમારેલ લીલા મરચા, સમારેલ ડુંગળી, 1/2 કપ કોથમીર, આમલીનું પાણી, મીઠું, મીઠા લીમડાના 6 પાન, ધાણા પાઉડર અને જીરા પાઉડર લઇ તેને ઢાંકણ ઢાકી ગરમ કરવું, પાણી એકદમ ઉકળવા લાગે અને તેમાં નાખેલ સામગ્રી પાકીને સરસ સુગંધ આવે ત્યારબાદ તેમાં દાળનું પાણી ઉમેરવું, મરી, જીરું અને લસણની કળીને એક ખાંડળીમાં ખાંડી મસાલો તૈયાર કરવો, ત્યારબાદ વઘારીયા અથવા બીજા વાસણમાં તેલ ગરમ કરવું, તેમાં રાઈ નાખવી તે તતડે એટલે લાલ મરચાના બે ભાગ કરી ઉમેરવા, હળદર, મીઠા  લીમડાના બાકીના પાન અને હિંગ નાખી હલાવી આ તડકાને રસમમાં ઉમેરવો છેલ્લે ખાંડ અને મરીનો મસાલો ઉમેરી, ઉપર સમારેલ કોથમીર નાખી, ઢાંકણ ઢાકી એકાદ મિનીટ બાદ ગેસ બંધ કરવો, ટેસ્ટી રસમ તૈયાર।