સેવ ડુંગળીનું શાક - sev dungdinu shak

                                                           

સેવ ડુંગળીનું શાક :-

સામગ્રી :-

લીલી ડુંગળી - 6 નંગ
ઝીણી સેવ - 50 ગ્રામ
તેલ - 1, 1/2 ચમચો
રાઈ - 1/4 ચમચી
જીરું - 1/4 ચમચી
હિંગ - 1 ચપટી
મીઠું - સ્વાદાનુસાર
હળદર - 1/4 ચમચી
લાલમરચા પાઉડર - 1/2 ચમચી
ધાણા પાઉડર - 1/2 ચમચી

રીત :-
             સૌ પ્રથમ લીલી ડુંગળીને ઝીણી સમારી લેવી, હવે એક વાસણમાં તેલ ગરમ કરવું, તેલ ગરમ થાય એટલે તેમાં રાઈ અને જીરું નાખી તતડવા દેવા, તે તતડી ગયા બાદ હિંગ નાખી તરત સમારેલ ડુંગળી નાખવી, હલાવીને સેવમાં મીઠું હોવાથી ડુંગળીના માપનું જ મીઠું ઉમેરવું, બાકીના મસાલા હળદર, ધાણા પાઉડર, લાલ મરચું ઉમેરી ડુંગળી કુક થવા દેવી, લીલી ડુંગળીમાં કુદરતી પાણી હોવાથી તે જલ્દી પાકી જશે, હવે તેમાં જો રસો કરવો હોય તો 1/4 ગ્લાસ જેટલું પાણી ઉમેરવું નહીતર ડાયરેક્ટ ઝીણી સેવ નાખીને શાક હલાવીને ગેસ બંધ કરી દેવો, સેવ ડુંગળીનું શાક જલ્દી તૈયાર થઇ જાય છે અને સ્વાદમાં પણ સ્વાદિષ્ટ બને છે.