કાજુ ખોયા - kaju khoya

                                                     

કાજુ ખોયા :-

સામગ્રી :-
કાજુ - 200 ગ્રામ
પનીર - 100 ગ્રામ
દહીં - દોઢ કપ
ઘી - 2 ચમચા
મલાઈ - 2 ચમચા
ખસખસ - 20 થી 25 ગ્રામ
ડુંગળી - 2 નંગ
મીઠું - સ્વાદાનુસાર
હળદર - 1/4 ચમચી
ધાણાનો પાઉડર
લીલા મરચા - 2 નંગ
લસણ - 8 કળી
આદું - નાનો કટકો
સુકા મરચા - 2
લવિંગ અને તજ - 2 નંગ
કોથમીર - 1/2 ઝૂડી

રીત :-
         સૌ પ્રથમ આદુ,લસણ, લીલા મરચા , સુકા મરચા, તજ, લવિંગ, ધાણા પાઉડર, 1 ડુંગળી, કોથમીર આ બધું સાથે વાટીને તેની પેસ્ટ તૈયાર કરવી, હવે બીજી ડુંગળીને ઝીણી સમારી લેવી, ત્યારપછી 100 ગ્રામ કાજુ અને ખસખસને થોડા પાણીમાં અડધો કલાક પલાળી તેની પણ પેસ્ટ તૈયાર કરવી બાકીના કાજુના નાના ટુકડા કરી લેવા, હવે એક વાસણમાં ઘી ગરમ કરવા મુકવું, તેમાં સમારેલ  ડુંગળી સાંતળી લેવી, હવે તેમાં આદુ મરચાવાળી તૈયાર કરેલી પેસ્ટ ઉમેરવી, થોડીવાર તેને સાંતળીને તેમાં કાજુની પેસ્ટ, દહીં, મીઠું, હળદર, ખાંડ અને થોડું પાણી નાખવું, આ બધું ઉકળે એટલે તેમાં કાજુના કટકા અને પનીરને હાથ વડે છુટું કરી તેમાં ઉમેરવું, તેને હલાવી ગેસ બંધ કરવો, મલાઈ વડે ગાર્નીશ કરવું, તો તૈયાર છે ટેસ્ટી પંજાબી સબ્જી કાજુ ખોયા।