મેથી પાપડનું શાક - Methi papad nu shak

                                             
મેથી પાપડનું શાક :-

સામગ્રી :-
મેથીદાણા  - 100 ગ્રામ
મોટા પાપડ - 2 નંગ
તેલ - 1 ચમચો
મીઠું - સ્વાદાનુસાર
હળદર - 1/4 ચમચી
લાલમરચું - 1 ચમચી
ધાણાજીરું - 1 ચમચી
ગરમ મસાલો - 1/4 ચમચી
ખાંડ - 1 ચમચી
લીંબુ - અડધું
રાઈ - 1/2 ચમચી
જીરું - 1/2 ચમચી

રીત :-
        સૌ પ્રથમ મેથીને તે ડુબે તેટલું પાણી નાખી અડધો કલાક પલાળવી, ત્યારબાદ તેને પાણી સાથે જ બાફી લેવી , હવે એક વાસણમાં તેલ ગરમ કરવું, તેમાં રાઈ અને જીરું નાખવા તે તતડે એટલે તરત તેમાં બાફેલા મેથીદાણા નાખવા, તે ડુબે તેટલું પાણી નાખી તેમાં મીઠું, ખાંડ, હળદર, ધાણાજીરું અને ગરમ મસાલો નાખી હલાવવું , તે ઉકળે એટલે તેમાં પાપડના નાના ટુકડા કરી નાખવા, એકાદ મિનીટ બાદ ગેસ બંધ કરવો, લીંબુનો રસ નાખી હલાવી લેવું, તૈયાર છે સ્વાદીષ્ટ મેથી પાપડનું શાક.